بسم الله الرحمن الرحيم ،،
انا تزوجت قبل سنه و6 شهور
بعد شهرين من الزواج اكتشفت ان زوجي يكلم وحده غيري
لما واجهته انكر ومع الادله اعترف انه يكلمها من قبل الزواج
وانه بعد ماتزوجنا وصارت بيننا بعض المشاكل كان يكلمها 
اللي خلاني اكمل معه واحاول انسى واعيش انها من جده وزوجي من الشرقيه يعني مكالمات تلفون بس ،،
بس بعد الموضوع صرت طول الوقت اشك فيه مااقدر اثق فيه ابداً
بعدها بشهرين كان راجع من النادي وكان يتروش فتشت جواله
لقيت مكالمات لم يتم الرد عليها منها ولما واجهته قال انها تلاحقه
انصدمت انه كذب علي لانه غير رقمه بعد المواجهه الاولى
والرقم الجديد بدون اسم ماتقدر تعرفه الا عن طريقه
المشكله اني لما ادق عليها كانت ماترد على مكالماتي
واهلي من النوع اللي عندهم الموت ولا الطلاق 
بعدها بشهرين تاخرت الدوره واكتشفت اني حامل وكان مره فرحان اني حامل
وكان مدلعني اخر دلع ويخاف علي موووت وطول الوقت يقول لي انا احبك
طلعت له وظيفه حكوميه بابها وسلمنا شقتنا وانا رحت عند اهلي لحين الولاده
راح ياجر شقه بابها واروح معاه
اللحين انا حامل بالشهر الثامن رجعت لي الشكوك انه يخوني
اللحين عنده اجازة العيد ونازل الشرقيه للحين يخاف علي ويدلعني
بس احسه لما يجي يزورني ببيت اهلي كثير
ولما يجي يحط جواله صامت ومايطلعه من جيبه
ولما يرجع بيت اهله اتصل فيه مايرد وبعد دقيقه يتصل فيني
وشريحته موبايلي مايطلع اذا انتظار
واللي زود ش******** انه مايهمه يختلي فيني
اهلي قررو يسافرون اقول له الكل بيسافر خلي بيت اهلك وتعال
معاي بيت اهلي لما يسافرون مااقدر اظل لحالي
تخيلو قال لي خلي بنات خالتك الليل يجون ينامون معك
مع انه ينام بمجلس بيت اهله
انا منقهره من الشكوك احيان اطمن نفسي واقول لا انا مو ناقصني شي
انا اهتم فيه واحبه واتزين له الكل يستغرب حامل وصرت ازين من قبل
ومن كل النواحي اراعيه وربي مااحمله فوق طاقته
متضايقه مابي استمر معاه وانا اشك فيه ولا ابي اواجهه بدون ادله
ولاهو عاطيني مجال امسك عليه شي عشان اواجهه
ومابي اصير مطلقه خصوصآ اني حامل وبيجيني طفل منه
ساعدوني الله يجزاكم خير